Borghild sitt mas og andre bloggvekstar

Observasjonar frå heimeverande sjukling

2012-02-02T09:48:00.002+01:00

1) Det er nesten berre dritt som går på tv. Doktor Oz, Hotell Cæsar osv. 2) Å fyra i omnen kan lett gi hetetokter. 3) Det er ikkje så spanande å lage mat til ein person, men det er kjedeleg å lage mat når ein ikkje er i form, og det kun er til ein person. 4)Eg lurer på om dyrlegen som steriliserte dyret gjorde ein skikkeleg jobb. Mogleg ho berre kjedar seg max, men det går hardt utover både meg

Julegleder

2011-12-29T20:38:00.007+01:00

Litt amputert jul i år, med sambo i Nordsjøen frå 2.juledag, og litlasysto i Sandnes. Men det viktigaste var jo at me koste oss mens me var i lag. Regntunge dagar gjer innesysler mest trivleg, og det er heilt ok. Godt å feire jul heime blant høge fjell og djupe dalar. Det nyaste familiemedlemet i Fisketjøn sjarmerer dei fleste, og seier: "eg ønskjer meg ein ny heim, har du lyst på meg?"

Første søndag i advent

2011-11-27T19:17:00.008+01:00

Etter å ha hatt korkafè med blant anna julesongar, har eg ei god kjensle. Eg elskar jula, og er synest adventstida er så kjekk og herleg. Finne kjekke gåver til gode venner og familie, høyre og synge julesongar, adventskalender, tenne lys og ha stemning i heimen.Adventssteming i gongen. Og på spisebordet.Den koselege adventsstaken eg fekk av litlasysto for mange år sidan, må fram kvart år.På

Åh, kor eg lengtar...

2011-11-23T21:32:00.002+01:00

I dag har eg ein slik dag der eg berre lengtar og lengtar...lengtar etter ferie og fri, og bekymringsfrie dagar. Regnet høljar og vinden riv i veggane, og eg vil berre bura meg inne. Eg har såvidt starta med advents- og juleførebuingar, det er koseleg. Det er faktisk noko eg har tenkt mykje på i det siste, nemleg at eg trur det er godt for oss å ha jula når året er på det mørkaste. Det er godt å

Garasje

2011-11-07T14:34:00.004+01:00

Eg kom plutseleg på at eg jo skulle oppdatere folket om kva som skjedde på garasjefronten. Vel, det er no eit godt år sidan den var ferdig, og oppdateringa har uteblitt. Du kan trykke her dersom du ynskjer å sjå det siste garasjeinnlegget.Me har innvia og sambo vil aller helst vera der ute, rain or shine. Me har hatt krabbefest og bursdagsfest der, kjekt lokale til slikt, sjølv om eg sjølvsagt

Nemi - you just have to love her!

2011-10-25T19:12:00.003+02:00

henta frå dagbladet.no 25.10.2011

Ein dag utan mål og meining

2011-10-14T15:58:00.002+02:00

I dag har eg ein slik dag, eller dagen hadde strengt tatt eit mål, som eg ikkje kjem til å nå. Siste feriedag, ei veka går altfor fort, haustferien burde vera to veker, synest eg. I dag skulle eg arbeide med masterpresentasjonen min, eg har foreløig opna Power Point og skrive overskrifta. Flotte greier, eit heilt dagsverk... Men samstundes synest eg at eg skal kunne slappe av og slaske meg siste

Jentetur til København

2011-10-13T12:25:00.011+02:00

Eg ser at det er over ein månad sidan sist innlegg, men truth be told, eg har ikkje har så mykje å fortelje om. Å vera vaksen er travelt! Endeleg har eg haustferie og eg starta ferien med å reise til København med to kjekke venninner. Dei to første dagane hadde me flott ver, og fekk handla og ete masse god mat.Me fekk med oss ei utstilling om Titanic som var skikkeleg rørande, og trur alle tre

Eit lite dikt

2011-09-07T14:35:00.005+02:00

Denne koselege helsinga låg og venta på meg på e-posten på jobb: Omtanke varmer hjertetOmtanke lindrer smerteOmtanke burde alle kjenne påOmtanke er like fint å gisom å få Takk til den kjekke kontordama vår!

2011-09-05T08:10:00.002+02:00

Dagbladet samanliknar kommunane i landet, økonomistyring, kor det er best å bli gammal, vera ungdom, skuleøkonomi osv. Suldal vs. Stord. Eg likar meg på sommarøyo, men ingenting kan vel måla seg mot bygda mellom fjell! :)

Soveromoppdatering

2011-08-27T14:18:00.005+02:00

Eg har starta i ny jobb, og det er kjekt! Travle dagar, men kjekke elevar og kollegar gjer overgongen litt lettare. Likevel, eg skal ikkje legge skjul på at dette er ein megaovergong for meg, eg er skikkeleg sleten når eg kjem heim og gler meg eigentleg berre til å legga meg. Og heldigvis har eg jo fått eit flott soverom!Eg er så glad i den fine taklampa, synest den gir rommet eit løft. Også

Laks og bursdagsfeiring

2011-08-14T13:40:00.005+02:00

Kjekke folk på Stråpa lar sambo får ta seg ut på fiske,og også i år vart laksen tatt! Eg gler meg til røykelaks!Og jammen vart ikkje laksen tatt på bursdagen til pappa! Gratulera med dagen!

Hmm...

2011-08-12T19:58:00.002+02:00

..ikkje lett å få gjort masterarbeidet sitt når det er så flott ver. Særleg er det vanskeleg når eit vert motarbeid frå alle kantar.... Nelly synest dette var den beste kvileplassen i heile Suldal!

Nytt medlem i husstanden

2011-07-22T13:46:00.004+02:00

Og berre sjå kor skjønn ho er!Vanskeleg å vere i ro lenge nok til at eg får tatt bilde... Her i huset er det full fres, forsøk på klatring i gardiner, prøvesmaking på blomar, opp på bordet, i sofaen. Bestemte hender tek ho ned, men den lille dama er i gong før ein får snudd seg. Supernysgjerrig og enormt aktiv heilt til ho berre kubbar. Augnevipper er fasinerande, så eg kan verken garantere at eg

Sommar i Håvikjo

2011-07-17T10:37:00.011+02:00

Me har nett vore på ferie på Bømlo. Ja, heilt sant, me bytta øy ei veke. Min kjære sin familie har ei koseleg hytte, men dog primitiv hytte der. Uansett, me kosar oss og slappar av der, og det er verkeleg ein fantastisk flott plass å ha hytte!Dei første dagane var det både kaldt og grått, og me måtte til og med fyre i peisen. Men ute i veka kom sola og varmen, og me fekk både bada, grilla, ete

Ny bil og fine blomar

2011-07-08T12:31:00.004+02:00

Me har endeleg kjøpt oss bil! Etter å ha prøvekjørt både Mitsubishi ASX og Toyota Avensis stasjonsvogn, vart me forlikte i Honda CR-V. Eg har i lengre tid tenkt at dette kunne vere bilen for meg, men samtidig er det jo ein stor overgong frå min kjære Toyota Corolla 86-modell.. Men me er foreløpig nøgde, bilen er ikkje heilt ny, men ny nok for oss, 2009-modell.Det som er stas når ein kjøper ny bil

Bursdagsfeiring

2011-06-27T18:22:00.006+02:00

Sist fredag feira min kjære bursdagen sin med grilling og familiekos. Godsakene på grillen vart ikkje foreviga, fordi eg var så opptatt med å vere grillsjef. Eg trur eg er ein bra sjef, eg likar å bestemme. I alle fall stort sett. Men det var eigentleg ikkje det dette innlegget skulle handle om. Dette innlegget handlar faktisk ikkje om så mykje, berre litt sånn bursdagfeiring. Mammo baka

Hesteskokast

2011-06-15T12:33:00.006+02:00

For eit par veker sidan fekk omsider far min fjorårets bursdagsgåve frå oss, nemleg hesteskokast-spel. Slike saker er jammen ikkje lett å få tak i! Sidan nesten heile Gullberg-klanen var samla i Kårevik denne Kr.Himmelfarts-helga, vart det arrangert konkurranse. Ikkje noko knussel her, organisert turnering og både semifinale og finale måtte til før ein kunne kåra ein vinnar. Den heldige fekk ein

God søndagsmorgon!

2011-06-12T10:28:00.008+02:00

Eg synest nesten at søndagsmorgonen er aller best når eg kan nyte den aleine med aviser og kaffi. No offence til min kjære, men han har liksom ikkje heilt skjønt poenget med søndagar. Eg har allereie gått meg ein liten tur, for eg er hundepassar i helga, så trur eg skal bruke resten av dagen til å kose meg og kaaanskje gjere litt skulearbeid.Me har pussa opp soverommet og eg er svært nøgd. Har

2011-06-01T17:47:00.004+02:00

Fann desse artige husreglane for kattar:) Og må jammen meg sei at fleire av dei stemmer GODT på både den eine og den andre...HUSREGLER FOR KATTERSkal du som katt kunne leve sammen med menneskene må du følge visse "lover" og regler.BADEROMFølg alltid gjester på badet. Det er ikke nødvendig å gjøre noe. Bare sitt og glo.DØRERLukkede dører tillates ikke i noen rom. For å få åpnet ei dør, still deg

Corona i Bergen 18.juni

2011-05-29T14:04:00.004+02:00

Eg må berre reklamere litt for det flinke koret eg er med i. Me er eit damekor som har eit varierande repetoar, og 18.juni skal me altså halde konsert på Troldhaugen i lag med Bergen Kammerkor. Eg vil gjerne at DU kjem og høyrer på oss! Her er nokre smakebitar frå opning av kunstutstilling på Bømlo. Frøken Bakka er ikkje med her, fordi ho var på slasketur til Bergen. Så vart du frista? Ja, det

Oppussing!

2011-05-27T09:03:00.002+02:00

Me (les sambo) pussar opp soverommet. Kjekt! Me har tatt ut vegger, tak og golv. Nå manglar me nye nattbord, og ikkje minst garderobe. Eg har lyst på skyvedørsgarderobe. Nokon som har tips å komme med? http://www.langlo.no/ har fine, men mogleins litt dyre? Eg burde jo kun konsentrere meg om oppgåva mi, men eg synest det er så mykje kjekkare å sjå på slike ting som garderobar, gardiner osv.

Trøtt søndag

2011-05-15T13:27:00.003+02:00

Denne helga har eg hatt besøk, veldig kjekt besøk faktisk. Ei venninna heimefrå kom fredag og vart til i dag, og i går kom ein kompis eg gjekk både til dagmamma, i barnehage og på barneskulen med. Kjekt å treffe begge! Eg synest det er så kjekt å halda kontakt med barnsdomsvennene mine!Uansett, å ha besøk av folk der praten berre fyk avgårde, fører til at ein aldri kjem seg i seng. Så me tusla

Grillsesongen er godt i gong

2011-05-08T12:34:00.008+02:00

Sist laurdag starta eg og min kjære grillsesongen. Me hadde lammekoteletter og fylt sopp på grillen, og serverte med ein god salat. Fylt sopp er i grunnen utruleg godt og lett å laga. Eg gjorde det sånn at eg tok ut stilken på soppen, hakka den og blanda den med pesto. Hadde smørja opp i soppen att, litt raspa ost på toppen og pakka inn i bacon. På den måten kunne eg snu soppen på grillen.

Ferieplanar før ferien

2011-05-06T10:44:00.004+02:00

Nå er det slik at rettleiarane på HSH meiner at Treighild og Sneglstin treng ferie. Det er dei sjølvsagt einige i, og har leita mykje etter kjekke turar dei to siste dagane. Det store spørsmålet er om dei skal ta seg ein lukusferie med All Inclusive eller restplass. Sei at dei får ein restplasstur til 1500kr, mens all inclusive kostar 4100. Vil det til slutt omtrent bli det same? Dei vil jo måtte

Sånn går nå dagane

2011-05-03T12:42:00.003+02:00

Eg har lite nytt å rapportera om, punktum finale. Kunne ganske sikker vore flinkare på alle område, men det er eg ikkje interessert i å vere tydelegvis. Der eg burde sette inn støtet, er på masteroppgåva mi, men motivasjonen uteblir, tips anyone? Elles set eg pris på gode musikk-tips, eg treng noko å høyra på mens eg surrar med oppgåva. Forresten, eg kan rapportera om at det ikkje er gunstig å

Dagens fangst

2011-04-15T12:39:00.006+02:00

Me har fått ny pynt i tunet. Pynt, som eg no har fått bevis på at ikkje nødvendigvis er eit gode for dei involverte. Torskerusene som har vore i sjøen heile vinteren er no tatt opp og reingjorte. Dessverre stinkar dei framleis, men det hindra tydelegvis ikkje me fekk "fangst" i dei.Sånn går det for nysgjerrige kattar.Rimeleg glad, men litt stressa når ho kom seg ut.

DVD-boksar...

2011-04-11T15:26:00.002+02:00

...er farlege! Særs farlege er dei for umotiverte og litt studieleie studentar. Når sambo er på jobb (ikkje feriekoloni...) i Nordsjøen kosar eg meg med tv-seriar på dvd. I det siste har det vore Brothers and Sisters. Eg synest verkeleg at det er ein undervurdert serie! Flinke skodespelarar (ja, alle hugsar vel Calista Flockhart som Ally McBeal?) og ekstremt gode replikkar, spør du meg. Joda, det

I gong med masteroppgåva

2011-04-06T17:46:00.003+02:00

Vel, eg kan vel ikkje skryta for mykje av meg sjølv, for då synk for tempoet mitt. Men eg har no i det minste ca 10.000 meir eller mindre samanhengande ord i masteroppgåva mi. Eg veit eg må endra på mesteparten, og eg prøver å flytte fokuset vekk frå det faktum at eg muligens har ca 40.ooo ord i att før eg har skrive det eg skal.. Sjå på det positive, sjå på det positive, sjå på det positive,

Studiedagen som aldri kom i gong

2011-04-01T14:07:00.002+02:00

Eg hadde faktisk bestemt meg for å vera ein superflink student i dag. I går var eg ikkje så veldig flink, men dagen før og dagen før det i gjen, var eg kjemepflink. Eg kjem berre ikkje i gong i dag. Vore på tur, kikka på bøkene mine, det eg har skrive til nå, surfa masse, drukke to flasker med vatn. Det er liksom ein sånn dag der eg ikkje har lyst til å gjere noko. Kva gjer ein då?Eg gler meg til

Ein hund sine beretningar - part two

2011-03-16T20:57:00.003+01:00

I dag har me hatt besøk. Det synest eg er veldig kjekt, for eg likar å helse på folk. Aller helst vil eg at nokon skal klappe meg heile tida, og over alt. Eg blir litt misfornøyd når den som kosar meg med, blir lei, så då synest eg at det er på sin plass å klore litt på dei, og det er kjekkast når dei har t-skjorte på, slik at eg får gjort mest mogleg inntrykk. Heldigvis fekk eg tur i Gullberg

Ein hund sine beretningar

2011-03-15T11:49:00.004+01:00

Utdrag frå Topsy si dagbok Eg skjønar meg ikkje på desse folka som har invadert heimen min. Dei sit oppe på kveldane og ser på fjernsyn, lenge etter at eg har lagt meg. Og så må eg ut å tissa etter at eg har funne godstillingen i kassen min. Det synest eg ikkje noko om! Dei skulle berre visst kor vanskeleg det kan vere å få stable fire bein i gode stillingar, typisk sånne to-beinte tullingar.

Ein smak på våren

2011-03-08T12:52:00.007+01:00

Eg synest tulipanar er så utruleg fine, og ein kan få dei alle moglege fargar. Dei gir meg ei kjensleav vår, så i helga bestemte eg meg for å kjøpa blomar til meg sjølv. Slik fekk dei stå og gjera stova litt finare.I dag fekk eg nydelege roser av min kjære, overraskande og eg blei så glad! Ingen spesiell anledning, så det var uventa, og veldig, veldig stas! Dei fekk overta heidersplassen på

Pakke i posten

2011-03-04T09:21:00.003+01:00

I dag fekk eg to pakkar i posten, jippi! Eg har gleda meg til å få begge to, men må vel innrømme at dei strengt tatt er gåver frå meg sjølv til...meg sjølv, ja! Likevel likar eg å tru at min andre halvdel også vil få gleda av dette, han har fått litt smaken på å lese krim og eg har han under opplæring i tedrikking. Dessutan ser det ut til at eg får fint jentebesøk i april, firkløveret frå

Tenk at.....

2011-02-23T22:34:00.004+01:00

...desse flotte rosene har stått heilt sidan 11.februar! Eg fekk dei i anledning Valentine's day og dei er flytta frå hytta i Kårevik til Flathaugane og så til Suldal. Og her i Suldal har dei stått og blomstra så fint i gangen. Dei er ikkje like friske som då eg fekk dei, men jammen har dei stått fint lenge! Og eg tenkjer på den fine og kjekke kjæresten min kvar einaste gong eg ser dei! Og gler

LIVERPOOL

2011-02-09T12:52:00.015+01:00

Julegåva til sambo var ein tur til Liverpool. Først og fremst fordi han er LFC-supportar, og eg tenkte at han skulle få kose seg med ein fotballkamp. Dessuten har eg alltid hatt lyst til å reise til denne byen, så eg syntes dette var ein god kombinasjon. Me hadde nokre kjekke dagar der me fekk med oss masse. Dagen før me skulle på kamp var me på omvisning på Anfield. Interssant og gøy! Fekk sjå

Fantastisk god kyllingsuppe

2011-01-12T12:54:00.008+01:00

Eg fekk oppskrift på denne supre kyllingsuppa av mamma, og vil dele den med dokke. Då eg var i Suldal i jula, laga eg ho til eit selskap me hadde, derfor ser mengdene voldsomme ut.Ingredienser til ca 4 pers4 kyllingfilet eller grilla kylling1 løk1 purre1 paprika1 boks creme fraiche(1 boks mais)1-2ts garam masala1-2ts karrisalt og peparca 1 liter vatn2-3 buljongterningarSteik kyllingfileten og kok

Jul, jul strålande jul

2011-01-03T18:14:00.012+01:00

Jula føyk avgårde! Eg hadde tenkt å oppdatere bloggen min, slik at det forferdelig negative innlegget forsvann lengre ned på sida, men slik vart det ikkje. Me feira jul i Suldal, og der var det flott julever, masse mat og late dagar. Heile gjengen som var samla i Fisketjøn 3 var delvis reduserte, men men. Eg er no inne i omgang nummer tre av noko herk. Håper elendigheita snart tar til vett og

Lettare irritert

2010-12-11T21:57:00.004+01:00

Eg har fått eit snev av influensa, ja, eit snev. Ikkje er eg totalt sengeliggjande, men på ingen måte oppegåande. Kjedeleg på fleire måtar, for det første er eg aleine då kjekkasen er i Nordsjøen. For det andre skal Corona ha julekonsert i morgon og eg kan berre gløyme å delta. For det tredje er eg så sløv at eg byter mellom å sjå tv og henga på Facebook, og akkurat i denne augneblinken er det

Advent - eg er klar

2010-11-30T18:12:00.004+01:00

Endeleg! Eg er så glad i adventstida, pusla rundt i huset og laga det koseleg med levande lys og adventsstjerna i vindauget. Fyra i omnen må ein også gjera no når det er så kaldt, og det gjer eg meir enn gjerne. Eg bålfyrer mens andre er meir bekymra for om me har nok ved...Julegåvene er begynt å ta form og eg håpar på ei kvit jul i år også. Eg skal i alle fall kosa meg i favorittmånaden og håpar

Litt kos

2010-11-24T17:39:00.003+01:00

Mellom slaga må ein vel ha lov til å kose seg litt? Eg burde sjølvsagt jobba med masteren konstant, knapt hatt tid til å sova og eta, men eg er vel litt for glad i å gjera andre ting... No har eg i det minste jobba i nokre timar, og synest sjølv at eg fortjener ein pause. Kva er vel betre enn å lesa ei god bok og drikka te?

Tom Kah Gai

2010-11-16T11:14:00.006+01:00

Tom Kha Gai er ei veldig god thailandsk suppe med kokosmelk og galangal. Trur det finst fleire variantar denne gode suppa, eg har kun smakt den dei har på Zupperia i Bergen, og ville forsøke å lage den sjøl, så det gjorde eg for ei stund sidan.Det er ikkje krise om ein ikkje får tak i alle ingrediensene. Galangal kan bli bytta ut med ingefær, kaffir limeblader byttast med litt limeskall. Man

Nam

2010-11-13T16:10:00.000+01:00

For eit par veker sidan fann me ut at me skulle ut på sjøen for å sjå om det var komme noko i torskerusene som mannen og broren hadde sett. I tillegg til mykje leppefisk og anna småknask, var det ein heil del krabbe. Mesteparten måtte me hiva rett på sjøen, ikkje mat i. Men va nokre få me valte å ta med oss heim. Det var masse mat i dei, og eit krabbemåltid er aldri feil.Godt smakte det, og

Slik vart det

2010-10-31T18:04:00.009+01:00

Eg har fått både bord og skap på plass, og er svært nøgd!I tillegg har eg fått desse nydelege koppane, frå Green Gate, av mamma. Perfekte til kalde haust- og vinterkveldar, fylte med te eller kakao.

Kreta

2010-10-06T10:31:00.010+02:00

For nesten eit par veker si, var me i det impulsive hjørna, og heiv oss på ein tur til Kreta. Me reiste uspesifisert, og berre det var jo på grensa for kontrollfreaken meg. Så eg bestemte meg at dersom hotellet ikkje var bra, skulle eg skylda på Åsmund, og så bytta hotell. Me hadde flaks, hotellet var ok med eit fantastisk uteområde, og me betalte 998 kvar for turen! Hadde ei fantastisk flott

Laksepakkar

2010-09-24T18:01:00.007+02:00

Sidan me var så heldige i Suldal, har me mykje laks i frysen nå. Ein supergod måte å tilbereda laksefiletar på, er å lage laksepakkar. Dette er også ein fin måte å få i seg omega-3 på om ein bare skal laga middag til seg sjølv eller mange.Per pakke treng du:1 laksefiletlitt gulrot (ca ei halv)1-2 poteterpurrelitt finhakka kvitlauk (dersom du likar det)Sitronsaft eller litt sitronpeparsalt

Kva skal ein velge?

2010-09-05T20:03:00.004+02:00

Eg har bestemt meg for dette skapet, men skal også ha stovebord, og er usikker. Hjelp anyone?Skal stå til denne sofaenDette? Samme serie som skapet, Sicilia frå SkeidarEller Bolero frå Skeidar? Litt usikker på det med glasbord...Dette? Litt usikker på stålbeina, men er jo tøft. Ovalt? Frå Kleppe.Eller dette? Også frå Kleppe. Bør eg velga noko som er litt kraftigare pga av sofaen?

Lakseflaks

2010-08-30T21:18:00.002+02:00

Me er i Suldal igjen. Åsmund fiskar, eg fiskar ikkje. Sist gong sto den kjekke mannen og fiska i fem dagar utan så mykje som eit napp. Og eg var sikker på at slik kom det til å gå denne gongen også. Så du kan tru eg vart overraska då telefonen ringte i går, og me fekk beskjed om at laksen var tatt. Mamma, pappa og eg heiv oss i bilen og fôr bort til Stråpa, då traff me ei som kunne fortelja at

"Sommaren er kort"

2010-08-08T19:50:00.015+02:00

I alle fall kjennes det slik, nå er me allereie eit stykke ute i august, og sjølv om eg har hatt ferie lenge synest eg ikkje at sommaren skal vere heilt over enda. Slik ser det likevel ut, her sit eg med pledd og tekopp. Eg kikkar på bilete frå ferietur til Trøndelag, hytta på Bømlo, Glad Mat i Stavanger og familiesamankomstar.Mamma og pappa kom på besøk på hytta på Bømlo.Kjekt med familie og

Lukke......

2010-07-05T20:38:00.004+02:00

...kan vere å drikke te av slike nydelege koppar, i lag med gode venninner!Men lukka kan også vere å få ein bukett med blomar frå Nordsjøen, heilt uventa og utruleg fint gjort!

Sankthans

2010-06-27T21:47:00.005+02:00

Me markerte den lysaste dagen i året i sjøkanten i Kåravikjo, saman med venner. Koseleg vart det, god mat og bål.Takk for ein kjekk kveld, venner!

Ein hyllest.....

2010-06-24T13:59:00.005+02:00

til verdas kjekkaste mann, som blir 30år i dag!Gratulera med dagen, kjære!

Sommartid

2010-06-16T18:55:00.011+02:00

Endeleg ei kjensle av at sommaren er her, på godt og vondt. Når det gjeld det vonde, har eg berre eit ord, POLLEN. Eg er tett, augene renn og klør, nys og er konstant trøtt. Kjekt? Men på den andre sida har eg studiefri, fått forskingsskissa godkjent (JIPPI!) og kan nyta sommaren på min måte, anten om det er med ei god bok eller med god grillmat.Denne dagen kom regnet akkurat då me hadde fyrt i

Ferie

2010-06-02T17:19:00.002+02:00

Sist søndag fekk eg sommarferie. Eg kom til Suldal på ettermiddagen, scanna siste figur, putta inn i forskingsskissa og leverte. Ferdig? Nei. Eg har planar om at eg skal få gjort litt skulearbeid i ferien også, det burde vel gå sidan eg i alle fall skal ha to veker aleine i slutten av juni. Foreløpig freistar det ikkje så mykje å finna fram bøkene....Denne veka har eg ansvar for ein 6.klasse, men

Corona

2010-05-21T21:05:00.005+02:00

Sist helg var koret mitt, Corona, i Bergen. Me deltok i korkonkurransen "Syng for oss" i Grieghallen. Det flotte damekoret enda på 6.plass, og eg synest me gjorde det bra! Hadde to kjekke dagar i Bergen, og fekk truffe nære og kjære. Særleg kjekt synest eg det var at både Stine, Irene, Jorunn Merete, Pappa og faste Gunnvor kom og såg på i Grieghallen.17. mai vart feira på Stord. Uvant, men kjekt.

2010-05-06T18:47:00.005+02:00

Eg sit her og prøver å få ned orda i forskingsskissa mi, noko som er utruleg vanskeleg i dag. Dette er ein dag der eg berre er selskapssjuk, og saknar vennene mine rundt omkring. Typisk nok er eg aleine heime, ikkje ein gong katten held meg med selskap. Så derfor vil eg heidra vennene mine med eit dikt: Vennskap Så uendeleg godt med små stunder ved kjøkkenbordet saman. Med eit varmt

Litt meir garasje

2010-05-04T21:33:00.005+02:00

Endeleg er det litt framgong når det kjem til garasjeprosjektet! Ikkje at nokon forhastar seg, men me er i det minste eit steg vidare.Elles har det ikkje skjedd så mykje. I helga hadde eg kjekt besøk av Hege, me koste oss i det fine veret og inntok mykje god mat. Var til og med på torget og markerte 1.mai. Våren er komen, mamma og pappa var i Kåravikjo i helgå, og der var bakkane kledde i gult og

Sex and the City

2010-04-09T22:02:00.002+02:00

Oh, Holy Moly! Såg akkurat traileren til Sex and the City 2, og eg gler meg! Nokon som vil sjå den i lag med meg?

Påska som kom og gjekk

2010-04-06T15:11:00.013+02:00

Jammen meg forsvann ikkje denne ferien også som ånden i lampen! Åsmund hadde nok rett, me burde ha kjeda oss litt meir, slik at tida ikkje gjekk så fort!Starta fellesdelen av ferien med å dra til Bømlo der Cecilie og Øyvind inviterte til pinnakjøtmiddag i hytta. Nydeleg mat og mykje godt prat langt utover kvelden...eller var det natta? Me fekk i alle fall kosa oss i lag med store og små.Etter ei

God påske!

2010-03-30T12:24:00.004+02:00

Palmehelga er unnagjort, men eg må vel seia at den store påskekjensla foreløpig er fråverande. Kanskje fordi eg framleis er på Stord? Blir ikkje så mykje påskestas i heimen, me tenkjer å reise til Suldal på Skjærtorsdag og blir til over helga, satsar på at det er meir påskepynt der.Gravinga i hagen er ferdig, no ventar me på at bygginga skal starta. GOD PÅSKE TIL ALLE!

Garasje

2010-03-23T13:57:00.006+01:00

Bygginga av garasje er endeleg i gong! Første gravemaskintak vart gjort fredag. Ein lettare stressa Åsmund vimsa rundt mens han venta på at arbeidet skulle komma i gong, for typisk nok hadde maskina litt startproblem, og kom i gong med arbeidet nokre timar for seint. Men alt ordnar seg for kjekke gutar, og no er me snart ferdige med graving, og må berre venta på at snekkarane får opp verket.Me

Blomsterfryd

2010-03-16T10:55:00.005+01:00

Kjekt å ha fine blomar i heimen!

Små investeringar

2010-02-21T17:42:00.010+01:00

Eg har gjort eit nokre kjøp som eg er veldig nøgd med, har ikkje heilt bestemt meg for kor eg skal ha alt enda.Katten passar på "Kjærleiken overvinn alt". Eg falt sånn for denne wallstickeren, og vurderer å ha den på soverommet. Andre forslag mottas med takk.Sist helg kjøpte eg meg endeleg denne fine, rosa skåla. Har hatt lyst på ei slik leeenge! Tusen, tusen takk til Hege som gav meg den andre

Ein fin laurdag

2010-02-11T20:19:00.009+01:00

Livet som sambuar har mange sider, og ei av dei gode kom fram sist laurdag. Då me vakna, foreslo Åsmund at me skulle pakka på oss med kler, koka kaffi, smøra nista og dra på sjøen å fiska. Eg va litt reservert til ideen då eg synest sjølivet er best på sommaren. Men, som den gode kjæresten eg er, så sa eg ja, og smørte nista mens Åsmund fann fram båtting. Turen vart så utruleg flott og koseleg,

Times - they are changing

2010-02-01T12:51:00.021+01:00

Godt nytt år! Det jammen meg ganske lang tid mellom kvar gong eg kjem på at eg skal skriva eit innlegg her... I tillegg har me no fått ei oppgåva som går ut på å opprette ein blogg, då skal eg liksom sjonglera to bloggar....I don't think so! Jula vart feira i Suldal, slik som det skal vera. Lille julaftan var me på Stråpa, god suppe og god prat, samt at julestemninga kom sigande, då me i

Adventstid

2009-12-03T17:16:00.007+01:00

Endeleg er favorittmånaden min her! Desember er den desidert beste månaden i året, masse lys, julemusikk, adventskalender, julebakst og gåveførebuingar. Så koseleg å gå ute i mørket og kikka på alle dei fine adventsstjernene og stakane. Me er berre tre dagar ut i desember, men eg har starta godt. I helga vart det pynta til advent og laurdag hadde Åsmund og eg besøk av Ola, Espen og Merethe. Tenk

Kva gledar du deg til?

2009-11-09T21:24:00.003+01:00

Eg fekk dette spørsmålet av ein elev i sist veke, og eg har i grunnen tenkt ein del på dette. Kva gledar eg meg til? Då eg fekk spørsmålet, visste eg ikkje kva eg skulle svare. Så eg sa berre "jul". Men når eg tenkjer meg litt om, så stemmer faktisk dette. Når det gjeld jula, så er eg som ein unge. Pynting av tre på lille julaftan, besøk hos Gyrid og Tore, Askepott og Disney på julaftan. Alt er

Hugsar du desse?

2009-11-03T17:20:00.002+01:00

Eg sit og gjer ingenting av det eg burde, verken les eller skriv oppgåver. Når ein har ein "blåleg" dag er litt mimring fint.Kalle KlovnBrannmann SamFraggleneSesam StasjonGullarsPernille Midt i SmørøyetDigge-songen

Amor og sånt

2009-11-02T10:11:00.006+01:00

Eg er fullstendig klar over at eg har svikta både blogg og lesarar den siste tida... Men no har det seg altså slik at i sommar var Amor ute med pilene sine og dei traff meg midt i hjarterota med forelskelsesgifta si. Eg er blitt ein fisk på land, som aller helst berre vil leva på kjærlighet i sofakroken. Så ,ny sivilstatus, og er meir enn nøgd med det! Men det har altså ført til at eg har hatt

Sopptid

2009-08-19T20:25:00.005+02:00

Hausten er allereie komen, og eit synleg bevis er at soppen hoppar fram overalt. Eg har hatt fleire turar, og har fått fanga ganske mykje. Den turen som til nå kanskje har vore kjekkast, var den turen eg tok på måndag, i lag med Jannicke og Amalie. Me gjekk opp i skogen bak huset vårt og fekk nesten full bøtta. Her er nokre bilete.Men alle bør kanskje ikkje plukkast?

Summer moved on

2009-08-07T22:15:00.004+02:00

Time flies! Sommaren er snart over og me går tilbake til jobb og studier. Det kjennest som at ferien nett har starta, sjøl om det samstundes er lenge sidan eg var i Bergen. Det er som alt og ingenting har skjedd, eg har jobba og feriert, men likvel står tida på ein måte stille. Hadde nokre late, flotte dagar på Stord og Bømlo og ei kjekk i helg i Stavanger på Glad Mat. Sist helg var eg på konsert

Those were the days...

2009-07-02T22:36:00.003+02:00

Sit og sløvar på nettet, og fann ut at eg skulle inn på Randi K si side. Der er det tydelegvis lenge sidan eg har vore, for eg fann bilete frå avslutninga av Mat- og Kulturfaget som me hadde i vinter. Kan nesten ikkje fatte at dette studieåret er over, og me er allereie i juli. Heldigvis vart semesteret avslutta på supert vis med den mest fantastiske klassen ever! Då dessertlaging eigentleg ikkje

Vår

2009-05-27T17:29:00.013+02:00

Våren er her! Det vil sei, den har vel vore her ein god stund nå... Hagen er i full blom og eg må søka dekning i kjellaren på grunn av pollen. Takk og pris for antihistaminer og sånt. Eg gler meg te sommaren kjem med grilling, Mosvatnet, slappe dagar på sommarøya (Stord sjølvsagt!)og venninnetreff. Har ikkje lagt nokon konkrete planar for ferien endå, så forslag mottas gjerne. Einaste eg har fått

2009-05-10T18:58:00.017+02:00

Sidan sist har to (dette talet seier litt om kor spennande eg har det..) nemneverdige ting skjedd. For å ta det første først. Merethe og eg har vore i USA! Først var me i New York, og så drog me til Minneapolis. Reiste frå Flesland lørdag 4.april (Stine var supergrei og kjørte oss!), og første stopp på turen var Amsterdam. Allerede her vart Merethe overvelda av køar, folk og fly. Men ventetida

Ein månad att

2009-03-04T15:38:00.002+01:00

I dag er det akkurat ein månad til Merethe og eg set nasen først mot New York og så mot Minneapolis. Eg gler meg som ein unge, men klarer ikkje heilt å setta fingeren på kva eg saknar mest med USA eller kva eg gler meg mest til med å komme tilbake. Men ei kjapp liste kan eg alltids lage:*Starbuck's - Dersom dei har fått Orange Mocca tilbake på menyen, vil eg nok stort sett ha ein slik i handa.*

Yet another Sunday

2009-02-01T22:18:00.002+01:00

I dag har eg tenkt ein del på USA og vennene eg fekk der. Eg må dessverre innrømme at eg ikkje har så mykje kontakt med dei aller fleste, men snakkar då heldigvis med nokre av dei. Denne helga har Hedvig vore i Bergen, eg var med ho to dagar og det vart veldig kjekt! For to vekar sidan var eg i Oslo hos Linda, også det var heilt supert! Når eg tenkjer på kor mykje eg faktisk var med dei to i USA,

Søndagsblogg

2009-01-11T21:39:00.002+01:00

Når eg ser på Astrid sin blogg, ser eg kor utruleg dårleg eg er til å oppdatera bloggen min. Dette har fleire (gode?) grunnar, for det første så skjer det ikkje noko spennande i livet mitt, slik at eg har ikkje noko interessant å skriva om. For det andre er eg litt lite motivert for tida, for det tredje har eg starta på nytt semester og det viser seg at det første faget eg skal ha er meir enn

Adventstid

2008-12-10T17:16:00.013+01:00